Atualità
Publicazion dla lege per la feries sun l lech da paur
USP – Duman merdi, 30 de setëmber unirà la lege per la feries sun l luech da paur publicheda tla gazëta ufiziela dla region. Na pert economica che ie dassënn tl crëscer vën a chësta maniera regulamenteda da nuef n cont dl albierch y dl dé ora spëisa.
La lege nueva vëija dant che l’esprescion “feries sun l luech da paur” possa me unida adurveda ulache l vën nce laurà a paur. Nce l dé ora spëisa vën regulamentà n cont de da ulà che vën i prudoc. Almanco 30% di prudoc muessa vester fai nstësc, y deberieda cun i autri prudoc agrares dl Südtirol muessen curì l 80% dla spëisa y dl bever. A chësta maniera possel me unì dat ora nchin a 20% de prudoc da oradecà.
La lege ntituleda regules per la feries sun l luech da paur, dateda cun l 19 de setëmber 2008 (numer 7), unirà publicheda duman 30 de setëmber tla gazëta ufiziela dla region. Do 15 dis jirà la lege nueva n drova.
as
