Atualità
Streda de Puster: lëures per l sotpassaje a Mühlbach
USP – L muvimënt di auti a Mühlbach dëssa deventé plu segur cun n sotpassaje y n ncrëusc nuef per arjonjer l luech. Ntan i proscimi mënsc uniral fat i lëures che se damanda nchin mez fauré na desviazion sun na streda provisoria.
L sotpassaje ie na pert di miuramënc dla streda de Puster. L vën tlo fat a na maniera de passé sota la scines dla ferata y adatà la streda statela a est de Mühlbach. “A chësta maniera vëniel tëut demez l ntreda periculëusa sce n vën da Burnech ora y slargià la streda per avisé ite plu saurà. Tres chësc lëur ne messeran nce no plu aspité sun la ferata pra la scines” spiega l assessëur ai lëures publics.
I lëur costa feter 4,1 milion de Euro y vën fai dala firma PAC. Per pudëi garantì l muvimënt sun streda ntan i lëures ie debujën de fé na streda provisoria de desviazion. Chësta streda provisoria ie śën fineda y i lëures de costruzion possa scumencé. Nchin mez fauré 2009 iel udù dant de mëssei passé sun la desviazion.
as
