Atualità
Lëures sun la streda da Pruca ite
USP – Riesc sota Puntives, sun la streda danter Urtijëi y Pruca iel chisc dis unì scumencià n l lëur nuef de mantenimënt. Ntan i lëures che ie udui dant nchin ala fin de utober, vën l muvimënt di auti lascià passe cun n semafer.
Pra i lëures che ie unic scumencei chëst ena sun la streda da Pruca vëniel fat da nuef la fundamënta dla streda. L se trata de n toch de feter 200 metri ulache la streda ie drët ërta. La firma Reinstaller de Bulsan ie unida nciarieda cun i lëures per n custimënt de 50.000 Euro. L tëmp de lëur udù dant ie de trëi enes. Nchin ala fin de utober possen per chësta rejon me passé sun mesa larghëza de streda. L muvimënt di auti vën lascià passé cun n semafer.
Sun la streda statela 242 danter Pruca y Urtijëi iel chisc dis cater lueges ulache l vën laurà. Riesc dedite da Pruca, dlongia l gran sas, vëniel metù da nuef rëies de protezion. Sota Puntives vëniel laurà tla fundamënta de streda. Nchin da Unissant sarà pona fina i lëures per seguré l parëi de crëp danter Puntives y Runcadic. N majer lëur ie l puent sëura l Derjon a Runcadic che ie udù dant de finé per Nadel. “L ie cater lëures che se damanda pazienza da chëi che ie sun streda, ma i prota plu segurëza che ie de valor fundamentel per chëi che muessa se muever sun chësta streda” sorissea l assessëur provinziel ala stredes.
as
