Atualità
Veles provinzieles: mostra de na zedula da lité
USP – Per vester anjeniei a jì a lité ai 26 de utober, possen sën se cialé n facsimile dla zedula da lité tl internet sun la plates provinzieles. Sun la zedula iel i simboi dla chìndesc listes y cater risses per la stimes de preferënza.
L facsimile dla zedula da lité ai 26 de utober ie da abiné sun la plates dedichedes ala veles (www.provinz.bz.it/wahlen), sota l pont “Co vëniel pa lità?”. La zedula de culëur blanch, ti vën data a uni un che va a lité canche l mostra n documënt y l documënt de vela. Tlo iel i simboi dla 15 listes y grupes aldò dl orden trat ora a estrazion. Per lité bastel fé na crëusc sun un di simboi.
Tla pert dessot iel cater risses sun chëles che n possa scrì l inuem o l numer de cater candidac a chëi che n ti dà la stima de preferënza. I candidac muessa vester de chëla lista che n à lità dessëura.
as
