Atualità
Hommage a Leonardo mostra a Balsan
La mostra dedicada a Leonardo da Vinci cun laûrs di scolars dla scora d’ert Cademia de Urtijëi sarà da odëi tla ciasa dla scora y cultura ladina a Balsan tratan i mëisc de dezëmber 2008 y jenà 2009. Hommage n mertesc 16 dezëmber dales cinch domisdé.
Da odëi saràl na na mostra de scultöres y pitöres sön le corp uman te sües interpretaziuns lëdies, ispirades al gran anatom, artist y genie universal Leonardo da Vinci.
Le laûr de archirida vëgn documentè sides tres les operes d’ert sides inće tres les schizes preparatories fates dai scolars y dales scolares tles ores de esperimënt de laboratore y proietaziun te scora. An po amiré produziuns dër desvalies cun deplü tecniches che desmostra na gran fantasia de nüsc artisć jogn sot ala direziun de sü insegnanć. La mostra dess inće ester na promoziun dla scora d’ert y l’ambiënt dla ćiasa dla scora y cultura, strada Bottai-Bindergasse 29 a Balsan é dër adatè deache dailò é inćiasà l’intendënza ladina, le sorvisc cultura ladina y l’istitut pedagogich ladin.
L’inaudaziun dla mostra vëgn tignida en mertesc, ai 16 de dezëmber 2008 dales cinch domisdé tl foyer dla ćiasa dla scora y cultura ladina a Balsan. Düć é dër bel invià.
USP
