Atualità
Mostra dla Dolomites gëura ai 2 de auril a Bulsan
USP – Co ie pa unides a se l dé la Dolomites? Cie iel pa suzedù che se à furmà chisc crëps tan speziei y ce raport à pa la persona cun la Dolomites? Chëstes ie la dumandes a chëles che la mostra sun la Dolomites a Bulsan uel dé resposta. La giaurida tla cësa provinziela 11, tla streda Renon 4 a Bulsan unirà tenida duman juebia, 2 de auril.
L ie stat de plu avenimënc de natura geologica, tlimatica y biologica che à purtà ala furmazion dla Dolomites. La mostra tla cësa provinziela 11 dlongia la stazion dla ferata documenteia chisc avenimënc cun fotografies y recostruzions grafiches di ejëmpli dal didancuei tl Bahamas. Da nëus iel unit a se l dé vel de tel dan 230 milon de ani cun l lascé ju de minerei, rumpì ora vulcans, roes, spustamënc de dlacieres. La mostra uel mplu nce dé resposta ala relazion dla persones de viers dla Dolomites.
La mostra sun la Dolomites ie unida anjenieda per l festival culturel "Meeting per l'Amicizia fra i popoli" a Rimini. L forum culturel “Spuren” l à cun l aiut dla repartizion provinziela per natura y cuntreda deberieda cun la Cultura tudëscia, fata unì a Bulsan.
La giaurida unirà tenida duman juebia 2 de auril dala 18.00 tla Cësa provinziela 11, streda Renon 4 a Bulsan. L unirà adalerch assessëur provinziel Michl Laimer, l geologh dla Provinzia Ludwig Nössing y Carlo Gervasi, geologh y curator dla mostra.
as
