Atualità
Feter 3.000 lauranc autonomes zënza autonomia de lëur
USP – N cont de lauranc autonomes che lëura mpomo sota patron, à l servisc de usservazion dl marcià dl lëur prejentà prima zifres ufizieles. “Nchinamo ie unì fat nrescides sun la cualità n chësc cont, ma n cont de cumpëides ne fovel mo mei unì cialà plu avisa” dij l’assessëura Barbara Repetto.
“Lauranc che ie dai sëura sciche autonomes ma che lëura mpomo sot a patron, ie n ciamp zite. “Danter i lauranc nen iel nce de tei pra chëi che l ne se lascia nia drë di sce i lëura propi autonomamënter o sce i ie dependënc scundui”, vëniel fat al savëi dala Repartizion provinziela dl lëur.
Tla Provinzia de Bulsan iel unì cumpedà 25.000 de chisc lauranc. Aldò dl studi iel unì sù che de chisc 25.000 lauranc nen ie 3.000 “dependënc scundui”, lauranc autonomes zënza autonomia de lëur. “L problem de strabacé dla formes contratueles reverda da un a doi percënt de duc i dependënc”, nsci la Repartizion per l lëur.
Aldò dl studi ne vëij chisc dependënc scundui nia si posizion sciche precaria. La sensazion de melsegurëza ne ie pra d’ëi nia gran autramënter che pra i autri dependënc a tëmp plën.
Nfurmazion plu ala menuda ie da pudëi liejer do tl’ultima edizion de "Arbeitsmarkt News", data ora dala Repartizion provinziela per l lëur (cëla njonta).
as
