Atualità
Lëures ti tuniei dla Val Badia
USP – Ti tuniei danter Mantana Todëscia y Longega vëniel n mierculdi y juebia, 2 y 3 de dezëmber fat lëures de manutenzion. L muvimënt puderà mpomo passé sun mesa larghëza de streda. Te chisc tuniei uniral dai 15 ai 18 de dezëmber mo n iede laurà.
I lëures de manutenzion di tuniei sun la streda dla Val Badia unirà fai via per l di, dala 8 da duman nchin la 6 da sëira. N mierculdi y juebia, 2 y 3 de dezëmber puderan ntan i lëures me passé aldò de n semafer.
Tla segonda pert di lëures, dai 15 ai 18 de dezëmber uniral laurà de nuet, plu avisa dala 7 da sëira nchin la 5 da duman. Nce ntan chisc dis puderan passé sun mesa larghëza de streda, aldò de n semafer.
as
