Atualità
Pericul de levines sun Frea
USP - L jëuf de Frea ie ncuei (02 dezëmber) unì sarà al muvimënt di auti per pericul de levines.
Sun dumanda dla Cumiscion per la levines y dl Servisc provinziel per la streda à l assessëur Florian Mussner dat l’urdenanza de śaré riesc la streda dl jëuf de Frea. La streda ie nsci sareda suinsom l jëuf. “Sun Frea iel feter 80 cm de nëif y l ie pericul che unissa ju levines” spiega Luis Alfreider dl Servisc provinziel per la stredes. N fej cont che per garantì la segurëza sun streda, messerà l Frea resté sarà per n valgun dis.
as
