Atualità
Stazion per museré l’eghes a Puntives
USP – A Puntives iel unì njenià na stazion per museré l’autëza dl’ega tl ruf de Gherdëina. La mesurazions vën dates inant ala prutezion zevila. Nchinamo ne oven nia tres ora l cuntrol sun l Derjon, l livel dl’ega ie me unì muserà uni tant.
“Aldò dl plann per nuzé l’eghes iel udù dant de plu stazions per museré l livel dl’ega ti ruves” spiega l cumandant dla Prutezion zevila dla Provinzia de Bulsan Hanspeter Staffler. Tres na culaburazion dla repartizions provinzieles per la prutezion zevila y pruvedimënc per l’eghes, iel nce unì fat na stazion a Puntives. La njinies nueves mesura tlo tres ora l livel dl’ega de ruf, tan debota che la va, la cuantità y mo d’autra mesurazions de utl per la prutezion zevila. Tl medemo tëmp vën la mesurazions nce valutedes. Tres n sistem de furnadoia iel mesun che i aparac da museré vën dunchei tl ruf. Te na pitla utia de lën vën la mesurazions pona mandedes inant ala zentrela de Bulsan.
as
