Atualità
Record de plueia y nëif de dezëmber
USP – Tan de plueia y nëif sciche ntan chësc dezëmber ne iel tla zità de Bulsan mo mei unì muserà dai ani 1920, da can che l vën tenì statistica. Nce ti autri raions dla provinzia de Bulsan iel de dezëmber, aldò dl Servisc meteologich, unì arjont recorc.
Tla zità de Bulsan iel unì muserà 124 litri per meter cuadrat, la majera cuantità che n à muserà tl mëns de dezëmber ti ultimi 90 ani. Chësc record à nce arjont Persenon, ntant che Maran, Sterzing, Toblach y Schlanders ie ruvei drët daujin ai ani da record dl 1954 y 1960.
N cont de temperatures ie chësc dezëmber stat daujin ala medies di ani passei. A Bulsan iel unì muserà na temperatura media de 1,2 gradi Celsius, la media di ani passei ie per l mëns de dezëmber de 1,0 gradi Celsius.
as
