Atualità
Scrì ite ala scolina ti luesc ladins per l ann 2010/11
USP – Genitores de pitla mutans y mutons possa l’ena che vën scrì ite si mëndri ala scolina. Dai 18 nchin ai 22 de jené vën tëutes su la iscrizions per duta la scolines de Gherdëina y dla Val Badia per l ann de scola 2010-2011. Tla scolines ladines vëniel tëut su mutans y mutons che cumplësc trëi ani nchin ala fin de fauré 2011.
Sciche fej al savëi l’Ispetorat y la Direzion dla scolines ladines vëniel da n lunesc 18 nchin n vënderdi 22 de jené 2010 tëut su la iscrizions ala scolina te chël chemun ulache la families ie da cësa. L unirà tëut su mutans y mutons da trëi a sies ani, plu avisa che ie nasciudes/nasciui danter setëmber 2004 y la fin de fauré 2008. Per la scolina de Sureghes y per la scolines de Urtijëi (Salieta y Scurcià) unirà duta la iscrizions tëutes su tla Direzion dla scolines, tla Scolina Salieta aut ite (streda Roma 4, III. partimënt).
Per scrì ite ala scolina iel da tò pea la cherta dl numer de còdesc fischel di mëndri. I Cunsëies dla singula scolines tulerà pona nchin ai 20 de fauré la dezijion n cont dla cumpëida de mutans y mutons che vën tëuta su te scolina, chësc aldò di criters dla Provinzia y di chemuns.
Te chësc ann de scola - 2009/10 – iel unì tëut su da ndut 729 mutans y mutons tla 17 scolines che toca pra la direzion dla scolines “Ladinia”. De duc chisc mëndri se cruzia 100 danter maestres, maestres per la ntegrazion, culaburadëures pedagogiches y culaburadëures per la ntegrazion che se tol sëura dla furmazion, dl’ educazion y dl’ assistënza tla scolines de Gherdëina y dla Val Badia.
Orars de iscrizions de uni scolina:
Luegia de iscrizion | dis | orar |
Sëlva-SCOLINA | Lu 18.01 Me 19.01 | 8.30-11.00 y 14.00-16.00 |
S. Cristina-SCOLINA | Mi 20.01 Ju 21.01 | 8.30-11.00 y 14.00-16.00 |
Urtijëi (Salieta, Scurcià, Sureghes) - DIREZION DLA SCOLINES | 18.01 ai 22.01 | 8.00-12.00 14.30-17.00 |
Runcadic- SCOLINA | Lu 18.01 | 15.00-16.00 |
Me 19.01 | 8.00-9.00 | |
Corvara- SCOLINA | Lu 18.01 Me 19.01 | 15.00-16.00 |
La Ila- SCOLINA | Me 19.01 Mi 20.01 | 15.00-16.00 |
S. Ciascian- SCOLINA | Me 19.01 Mi 20.01 | 15.00-16.00 |
S. Linert- SCOLINA | Me 19.01 Mi 20.01 | 15.00-16.00 |
La Val- SCOLINA | Lu 18.01 Me 19.01 | 15.00-16.00 |
San Martin- SCOLINA | Lu 18.01 Me 19.01 | 15.00-16.00 |
Lungiarü- SCOLINA | Lu 18.01 Me 19.01 | 15.00-16.00 |
Antermeia- SCOLINA | Lu 18.01 Me 19.01 | 15.00-16.00 |
Rina- SCOLINA | Me 19.01 | 8.00-10.00 |
Mi 20.01 | 14.30-15.30 | |
Al Plan- SCOLINA | Mi 20.01 Ju 21.01 | 8.00-9.00 y 15.00-16.00 |
La Pli- SCOLINA | Lu 18.01 | 9.00-11.00 |
Me 19.01 | 15.00-16.00 |
as
