Atualità
Sustëni provinziel per i cunsëies de furmazion
USP – 130 Cunsëies de furmazion sustën la Provinzia de Bulsan ann per ann. Per l ann 2010 possel nchin ai prim de fauré unì mandà ite dumandes de cuntribuc al Ufize provinziel per la furmazion.
Feter te uni luech iel ulenteres che se cruzia dl svilup y dla coordinazion dla furmazion ora de scola. Tres l Ufize per la furamzion sustën la Provinzia de Bulsan 130 cunsëies de furmazion cun aiuc finanziei.
La dumandes per cuntribuc al’atività ordinera possa chëst ann unì dat ju nchin lunesc, prim de fauré 2010. Danora iel debujën che i chemuns cële do y debe si bënsté sun la documentazion per l finanziamënt dl’atività ordinera. Minà iel tlo n particuler l redincont dl ann che ie finà y l program per l 2010. Chisc documënc muessen mandé o purté de persona tl Ufize provinziel per la furmazion nchin la 5 domesdì dl prim de fauré. Chësta data ie nce da tenì ite tl cajo che i chemuns mandà inant la dumandes.
I formuleres aldò giaten tl Ufize provinziel per la furmazion a Bulsan, tla streda Andreas Hofer 18 18 (tl. 0471 413393 o 413398), o tl internet sota www.provinz.bz.it/weiterbildung/formulare. La persona de referimënt per spiegazions plu avisa ie Helga Girardi (tel. 071 413393, helga.girardi@provinz.bz.it).
as
