Atualità
Ejam per maestri de schi, podejé y snowboard
USP – Ai prims de merz vëniel tenì i ejams per maestri de schi, podejé y snowboard. Chiche ulëssa se scrì ite à mo dl’aurela nchin ai 12 de fauré per l snowboard, nchin ai 17 per l podejé y nchin ai 22 de fauré per l schi alpin. L’iscrizions ai ejams vën tëutes tl Ufize provinziel per turism y alpinism.
L ejam per chiche ulëssa deventé maestri de snowboard vën tenì dal prim ai trëi de merz sun Plan de Gralba, sëura Sëlva. L ejam de podejé vën ënghe tenì te Gherdëina, ai 4 y 5 de merz sun Monte Pana. Dai 11 ai 13 de merz saral i dis de ejam per deventé maestri de schi alpin, chisc unirà tenii sun l Kreuzbergpass, sëura Sexten.
Nfurmazions plu avisa sun i ejams y formuleres per l’iscrizion ie da giapé tl Ufize provinziel per l turism y alpinism a Bulsan, streda Raiffeisen 5, tel. 0471 413727, (e-mail: markus.pichler@provinz.bz.it, Web: www.provinz.bz.it/tourismus). Tlo possen pona nce mandé ite la dumandes per se scrì ite ai ejams.
as
