Atualità
Sistem nuef per savëi da ulà che vën l refudam
USP – L sistem nuef per savëi da ulà che vën l refudam dla firmes se tlama SISTRI ("sistema per il controllo della tracciabilità dei rifiuti"). Aldò dl’Agenzia per l ambient dla Provinzia de Bulsan toma a chësta maniera demez la documentazion che fova ududa dant per lege, sciche la bola de cumpaniamënt, l reghister dal refudam y dal 2011 pona nce la detlarazion dl refudam dl ann (MUD).
La basa giuridica per l sistem naziunel nuef per savëi da ulà che vën l refudam pieta n decret dl Minister dl ambient, cun data dl 17 dezëmber 2009. Cun l sistem SISTRI toma demez i documënc y registri udui dant nchinamo. Tres n stick-USB cun na sotscrizion digitela, se lascel memorisé nfurmazions sun l refudam. Se nuzan la plates internet SISTRI vëniel fat al savëi la cuantiteies y la carateristiches dl refudam che ie unì fat y menà demez.
La nfurmazions de fundamënta sun l sistem SISTRI cun i tesć de lege y la dates per se nunzië tl sistem nuef ie publichedes sun la plates internet dl’Agenzia per l ambient dla Provinzia de Bulsan (www.provinz.bz.it/umweltagentur), dla Camera de Cumerz de Bulsan (www.handelskammer.bz.it) y dl Minister per l ambient a Roma (www.sistri.it).
as
