Atualità
Turism tl Südtirol - Zifres dl instà 2009
Tl mez ann da instà 2009 iel tla Provinzia de Bulsan unì cumpedà 3,2 milion de persones ruvedes adalerch y 17,0 milion de nuetes afitedes. La cumpëida di turisc’ crësc dal 1997 y à dl 2009 arjont n record nuef. Per l prim iede iel unì arjont l lim dla 17 milion de nuetes afitedes, de plu che ntan l instà 1995 canche n ova arjont n record che à tenì 14 ani. Chisc ie me puec valores ora dla nrescida dl Astat sun l turism tl Südtirol ntan l instà 2009.
Un n capitul dla nrescida ie dedicà ala densità turistica ulache Corvara ie al terzo post. L vënt tlo metù n relazion la nuetes afitedes cun la cumpëida dla populazion ntan la sajon da instà. L densità turistica media ie de 18,5 nuetes afitedes sun 100 zitadins. L luech che à la majera densità turistica ie Schenna cun 163,1 nuetes sun 100 zitadins, terzo luech ie Corvara cun 129,9 nuetes y sesto luech Sëlva cun 83,8 nuetes.
Di chemuns ladins à Mareo cun 13,6% de plu, abù l majer aumënt de turisć unic adalerch permez al instà 2008.
as
