Atualità
Ai 26 de jené cunferënza stampa sun l duné sanch
USP - L’mpurtanza de duné sanch, dl sistem de trasfujion tla provinzia de Bulsan y sun l program dl sanch se traterala tla cunferënza stampa cun l assessëur Richard Theiner ududa dant ai 26 de jené a Bulsan.
La provinzia de Bulsan possa bele da pez mustré su de avëi na gran cumpëida de dunazions de sanch, for inò d’autra persones che da ca si sanch y a chësta maniera ciafieien cun l sanch che la populazion nstëssa da ca. “I bon resultac arjonc ie nce frut de na bona culaburazion danter l assessorat provinziel ala sanità, i servijes de trasfujion y l’assoziazion AVIS” sorissea la assessëur Richard Theiner.
La cunferënza stampa ie dedicheda ala situazion atuela, dantaprima l sistem de trasfujion, la mpurtanza de dunazions dl sanch y l program dl sanch per i proscimi trëi ani che ie tl 2009 unì laurà ora dala istituzions (Provinzia, Servijes de trasfujion y Avis).
Reprejentanc di media ie nviei n
merdi 26 de jené
dala 10.00
tla sala stampa dla Provinzia
Cësa provinziela Widmann, streda Crispi 3.
L rujenerà l assessëur provinziel Theiner, l primar Oswald Prinoth (de Gherdëina) che ie diretëur dl Servisc de trasfujions, l presidënt y vizepresidënt dl Avis Erich Hanni y Maurizio Fabbro. Tres comunicazion video tulerà nce pert l atleta de schi Denise Karbon.
as
