Atualità
Curs per desmëter de fumé scumëncia ai 22 de fauré
USP – Ciche uel se destò dal fumé ma ne ie nia bon de lascé, ti vëniel pità aiut. Tl cheder dla scumenciadiva contra cunsum de tabach sustenida dala Provinzia, pieta l Servisc de cunsulënza contra la fumé n curs per desmëter de fumé. Chësc scumëncia ai 22 de fauré.
Nia uni un che prova a lascé de fumé, ti ie ënghe. Sce l se destò dal tabach garata nce depënd dala mutivazion de chël che fuma, dal sburdlé sun na pert sentimënt che l mancia y dala ndicazions a puntin co che n possa ti vester ala tentazions de mpië da nuef na zigareta.
Tl curs per desmëter de fumé vëniel cialà de mutivé ciche uel lascé de fumé y de dé inant co che n possa se gestì miec nstësc y avëi n miëur cuntrol de sé nstësc. Sëuraprò pieta nce l’esperienza de grupa n sustëni.
La cunsulënza contra la fumé dl Servisc saniter a Bulsan, mët a jì l curs dai 22 de fauré nchin ai 29 de merz. L vën pità set ancuntedes che scumëncia de lunesc y mierculdi, y jirà pona inant me plu de lunesc, for dala 18.30 ala 20.00. Nfurmazions plu avisa giaten pra la cunsulënza contra l fumé a Bulsan, streda Amba Alagi 20 (tel. 0471 909600 y 0471 909615).
as
