Atualità
Publicazion dla lege omnibus nueva per soziel y ambient
USP – Merdi ai 26 de jené uniral publicà sun la gazëta ufiziela regiunela la doi leges provinzieles nueves omnibus: una vën tlameda lege omnibus soziela, l’autra omnibus dl ambient.
La prima leges provinzieles dl 2010, nfati la numer 1 y 2, unirà a valëi da mierculdi ai 27 de jené. La normes nueves che reverda l frabiché alesirà, l lëur y l assistënza ala jënt de tëmp, igiena, sanità y trasporc ie trates adum sota l inuem omnibus soziela y cumporta mudazions ala lege provinziela che ie bele. La lege nueva vën publicheda (duman) ai 26 jené tla gazëta ufiziela regiunela (nr. 4) y unirà pona a valëi da l di do dla publicazion.
N articul lonch sun l frabiché alesirà prejënta l’autra lege nueva. Tlo iel pruvedimënc acioche i programs per frabiché i cuatieres vede inant plu aslune y per sustenì chëi che à dificulteies per gauja dla crisa economica. Leprò iel nce articuli che reverda n majer fond de garanzia per assoziazions de ulentariat y plu valivanza per persones cun handicap tl ciamp dl’assistënza.
Publicà uniral nce l’autra lege omnibus che reverda la normes nueves per l lëur da paur, l se nuzé de eghes publiches, energia y mantenì la cuntreda. Cun chësta lege uniral nce fat mudazions ala lege sun i luesc stluc, anagrafica per l bestiam, assoziazions agrares y la cundizions acioche la Provinzia de Bulsan posse fé pert dla fundazion “Dolomiti-Dolomiten-Dolomites-Dolomitis UNESCO”.
as
