Atualità
Iscrizions ala scoles ladines nchin ai 1. de fauré
USP - Genitores possa mo nchin ai prim de fauré scrì ite si mutons y mutans ala scoles de ublianza per l ann de scola che vën. Davia che l 31 de jené ie de dumënia, vel l lunesc sciche ultimo di per la iscrizions ala scoles elementeres y mesanes tla valedes ladines. L’iscrizions ala scoles autes te Gherdëina y tla Val Badia possa unì fates nchin ai 31 de merz.
I genitores possa fé l’iscrizions diretamënter tla scola elementera o scola mesana plu daujin. La regulamentazion nueva per sculeies fulestieres che fova unida a valëi cun l ultimo auton, vel nce per l ann de scola 2010/11. Coche spiega l diretëur de repartizion per la scola ladina, possel aldò de na delibra dla Jonta provinziela unì tëut su nchin a 30% sculeies fulestieres.
as
