Atualità
Durnwalder pra la prejentazion dla preparazion dla naziunela tudëscia tl Südtirol
USP – L Südtirol pieta de bona cundizions per la preparazion de scuadres de juech al palé per i campionac dl mond. Chësc ie stat l pensier zentrel che l presidënt dla provinzia Durnwalder à purtà dant ncuei danmesdì (28 jené) ntan la cunferënza stampa dla naziunela tudëscia per prejenté la preparazion ai campionac dl mont, che i fajerà nce tl Überetsch. Chësta preparazion dla scuadra cumporta, aldò de Durnwalder, na gran fazion de bon inuem per Südtirol.
Tl zënter “Mercedes Welt” a Stuttgart à la naziunela tudëscia spiegà a 150 jurnalisć tudësc dal sport co che i se anjinia ca per i campionac dl mond tl Sudafrica. Na pert zentrela sarà i dis de preparazion danter la fin de mei y prims de juni a Eppan. “Son segures che tlo nes vëniel dat la cundizions ideales” à ncuei di l manager Oliver Bierhoff.
Nce Durnwalder à pudù prejenté cie che l vën pità tl Südtirol. Danterauter al nce lecurdà che dl 1990 ova la naziunela ënghe fat na preparazion tl Überetsch y fova pona deventà campions dl mond.
“Südtirol sarà ntan i dis de preparazion dla scuadra, for inò ti media tudësc, se mustran da si miëura pert” à dit l presidënt dla Provinzia. A Stuttgart iel unì prejentà ai jurnalisć n pitl film per prejenté l Südtirol.
as
