Atualità
Biblioteca Teßmann tol pert a „Bücherwelten im Waltherhaus“
Tl cheder dla mostra di libri de chësc ann „Bücherwelten im Waltherhaus“ vëgn la Biblioteca Provinziala rapresentada tres na lerch cun libri da ascutè.
La Biblioteca Teßmann colaborëia cun le „Südtiroler Kulturinstitut“ da süa fondaziun incà: dal scomenciamënt incà ê l’aministraziun dla racoiüda de Teßmann (de proprieté dla “Österreichische Akademie der Wissenschaften”) tles mans dl Kulturinstitut. Dl 1982 él gnü metü sö la Biblioteca Provinziala y la colaboraziun danter Südtiroler Kulturinstitut y Biblioteca Provinziala é romagnüda. Insciö â la Biblioteca Provinziala le dërt de se chirì fora media dala mostra di libri austriaca che vëgn metüda a jì vigni ann y de amplié insciö la racoiüda dl’Academia.
L’azënt prinzipal de „Bücherwelten im Waltherhaus“ vëgn metü sön le liber da ascutè. La Biblioteca Provinziala tol l’ocajiun de mëte sö - sciöche picia sënta destacada - na lerch cun libri da ascutè. I vijitadus po ascutè sö te n ambiënt plajor plü co 150 libri da ascutè tratan l’orar de daurida dla mostra.
Dorada dla mostra: 27.01. – 10.02.2010
Orars de daurida: dal lönesc ala sabeda dales 9.00 – 12.00 y dales 14.00 – 18.00.
usp
