Atualità
Aron Demetz, prufessëur a Carrara: auguresc da Mussner
USP – Cumplimënc dal assessëur provinziel Florian Mussner a Aron Demetz che ie unì numinà prufessëur tl’Academia delle Belle Arti de Carrara. “L fej gran plajëi y legrëza che l cunesciù artist ladin possa te chësta ncëria dé inant a jëuni si savëi dl ziplé tipich per Gherdëina” dij Mussner.
“N reprejentant dla grupa de rujeneda ladina l à inò fata ca de ruvé drët inant” se ncunforta l assessëur provinziel ladin n cont dl suzes de Demetz. L scultëur de Sëlva ie unì cherdà a fé prufessëur de scultura tl’Academia delle Belle Arti tla zità dl miërmul, Carrara. Aron Demetz à bele te plu ucajions mustrà si savëi, danter auter nce pra la Biennale de Unieja. “La scultura à na gran tradizion te Gherdëina y ie na pert mpurtanta dla cultura ladina” à dit Mussner, che ie de chëla che Demetz possa śën cun si savëi, nce de inant na pert de chësta cultura a jëuni.as
