Atualità
Dumandes per curs y ejam da mëinacrëp nchin ai 5 de fauré
USP – Ntan chëst ena possa nteressei a deventé mëinacrëp mo se scrì ite al ejam de amiscion per fé la furmazion. Chiche se scrij ite nchin a n vënderdi ai 5 de fauré tl Ufize provinziel dl alpinism damanda de fé pea la furmazion che unirà tenida ala fin de fauré y ala fin de merz.
La furmazion mpeniativa per deventé mëinacrëp dura trëi ani. Chiche uel fé chësta furmazion muessa cun la documentazion de escurscions testimunië esperienza de jites tl crëp, sun dlacia y tl scialpinism ntan i ultimi trëi ani. Dan scumencé cun la furmazion iel da passé n ejam de amiscion, che vën chëst ann pità ai 27 - 28 de fauré y pona mo ai 29 de mei.
Chiche uel nrescì vel de plu sun la furmazion da mëinacrëp possa tò su cuntat cun la lia provinziela di mëinacrëp y mëinaschi (www.bergfuehrer-suedtirol.it) o cun l Ufize provinziel dl alpinism y marketing turistich (Tel. 0471 413727) ulache n giapa nce l formuler per la iscrizions. Tl internet, ie l formuler nce a pudëi desćiarië dala plata provinziela www.provinz.bz.it/tourismus.
as
