Atualità
Berger n cont di dac turistics: “Aumënt de gra al bon dezëmber”
USP – De plu nuetes afitedes y de plu turisc' ie de bona nutizies, ma nia na rejon per udëi dut me lujer. Chësc l pensier dl assessëur provinziel Berger n cont di dac publichei ncuei (prim de fauré) dal ASTAT.
„3,1% de plu turisć y 2,8% plu nuetes afitedes ie n suzes sce n tën cont dla cundizions economiches mundieles n resultat che fej legrëza” dij l assessëur al turism. L ne ie nia zifres che mostra na tendënza che va suvier, dij Berger, ma plu che auter la fertuna de chël che se dà da fé.Na gran defrënza iel danter i ultimi doi mënsc dl ann: de nuvëmber iel stat passa 5% de manco y l dezëmber à pona salvà la statistica de gra ala nëif y l di dl Imaculata che ie tumà sun n bon di dl’ena. Deberieda cun i marcieies da nadel ie bën chëstes, aldò Berger, states la rejons prinzipeles per la defrënza danter i doi mënsc. Na bona cunseguënza ie nce la majera cumpëida de turisć talian. “Che la crisa economica ne se ebe nia mustrà te chësta statistica ie n sëni de l bon lauré y dl mpëni de duc chëi che lëura te chësc ciamp” nsci Berger.
as
