Atualità
Turism anconta lëur da paur: cuncors nchin ai 12 de fauré
USP – Ideies nueves per miuré la culaburazion danter turism y lëur da paur: chësc ie chël che l Dipartimënt provinziel per l lëur da paur y turism chier tres n cuncors metù a jì deberieda cun la lia provinziela di osc’ HGV y la lia provinziela di paures SBB. Nchin ai 12 de fauré possen mo fé pea l cuncors.
La ne ie nia nscila che turism y agricultura ne laurëssa nia bele deberieda, spiega l assessëur provinziel Berger, la se trata da abiné ideies nueves per nuzé miec l gran potenzial. L vën nce cris ejëmpli de na bona culaburazion garateda.
Proiec, scumenciadives o servijes danter turism y lëur da paur possa unì mandei ite nchin ai 12 de fauré 2010. “Ne chiron nia ilujions, ma proiec bele realisei ntan i ultim doi ani o che possa unì realisei tl daunì” sorissea l assessëur provinziel.
Pra l cuncors “Turism anconta lëur da paur” possa fé pea privac, firmes, lies, chemuns o scoles. La gestion dla prupostes mandedes ite per l cuncors vën fata dala firma "Transkom" che à nce publicà sun si plata internet (www.transkom.it) duta la nfurmazions sun l cuncors dal titul "Tourismus trifft Landwirtschaft".
as
