Atualità
Sëurandà cumpetënzes al assessëur nuef Bizzo
USP – L presidënt dla Provinzia Luis Durnwalder à sotscrì l decret per sëurandé ufizialmënter la cumpetënzes al assessëur provinziel nuef Roberto Bizzo per la XIV legislatura. Ël sëurantulerà i ciamps de lëur che ova Barbara Repetto, ora dla furmazion prufesciunela per la grupa de rujeneda taliana, che ti va al assessëur Tommasini.
Nchin ala veles dl 2013 saral Roberto Bizzo a mené l assessorat provinziel de chël che fej pert la repartizion finanzes y bilanz, lëur (cun la valivanza di dërc), l’inuvazion, cooperatives y nfurmatica.
La sëula mudazion permez ala cumpetënzes che ova nchin śën Barbara Repetto reverda la furmazion prufesciunela per la grupa de rujeneda taliana che ti va al vizepresidënt dla Provinzia. Christian Tommasini ova bele la cumpetënza per la scola taliana.
L decret vën mo publicà tla Gazëta ufiziela dla Region Trentino-Südtirol.
as
