Atualità
Ai 10 de fauré prejentazion dla Trienala Ladina y dl pest Agreiter
USP – Doi cuncorsc per sustenì i artisc’ dl post mët a jì l Museum Ladin de S. Martin de Tor. Chëst ann vëniel per l segondo iede metù a jì l pest de scultura dunà da Richard Agreiter y la “Trienala Ladina” ruva bele a si terza edizion. Tramedoi scumenciadives unirà prejentedes n mierculdi, 10 de fauré a Bulsan.
I doi cuncorsc à nce doi obietives: l sustëni per artisć ladins y dal’autra pert l barat danter artisć ladins che vën da duta la pertes dl Tirol, dal Trentin, Grijons y Friul.
La mostra „Trienala Ladina“ y l „Pest Agreiter” vën prejentei te na cunferënza stampa
n mierculdi 10 de fauré
dala 10 danmesdì
tla sala stampa dla Jonta provinziela
palaz Widmann, streda Crispi 3 a Bulsan
n prejenza dl'assessëura provinziela Sabina Kasslatter Mur, l diretëur dla repartizion provinziela per la cultura ladina Alexander Prinoth, l diretëur dl Museum Ladin Stefan Planker y l artist Richard Agreiter.
as
