Atualità
Cuncors da diretëur tla scoles ladines
USP – La Ntendënza ladina à scrit ora n cuncors per trëi stieres da diretëur de scola che ruva n graduatoria. La dumandes per fé pea l cuncors possa unì mandedes ite nchin ai prim de merz 2010.
Tla Ntendënza ladina vëniel cialà danora al bujën de diretëures per l daunì. Per chësta rejon vëniel fat n cuncors per trëi stieres che pudëssa se giaurì ti proscimi ani.
Duc i nsenianc de rujeneda ladina possa fé pea l cuncors sce i à bele laurà almanco cin ani cun cuntrat de lëur a tëmp ndeterminà y sce i à l titul de laurea. L cuncors ie unì publicà ncuei, 8 de jené sun la Gazëta dla Region. Nteressei possa nce desciariè la ndicazions dl cuncors dala plata internet dla Ntendënza ladina http://www.provincia.bz.it/ntendenza-ladina/service/atualita-intendenza.asp
La dumandes per fé pea l cuncors da diretëur de scola possa unì mandedes ite nchin ai prim de merz ala Ntendënza Ladina, streda Binder 29 a Bulsan.
as
