Atualità
Urchestra di Jëuni dl Südtirol ai 22 a Urtijëi
USP –Per finé via si cuarto ann de atività dà l’Urchestra di Jëuni testemunianza de si savëi te de plu cunzerc. Do Persenon sunerà l’urchestra ntan l fin dl’ena dl 20 y 21 de fauré a Bulsan y Maran. N lunesc ai 22 de fauré suerà i jëuni a Urtijëi.
L’Urchestra di Jëuni dl Südtirol se à anjenià ca dassënn sota la direzion de Steven Lloyd. Feter 80 sunadëures jëuni de duta la trëi grupes de rujeneda purterà dant pec de Mozart, Rossini, Schubert, Lehar y Tschaikowski. L’urchestra vën finanzieda dala repartizion provinziela per cultura tudëscia y ie meneda dal Istitut per educazion musichela.
La reprejentazion de n lunesc ai 22 de fauré a Urtijëi se desferenzieia dai autri cunzert, ajache l unirà tenì te na forma de ancunteda cun sculeies dla scoles elementeres y mesanes.
as
