Atualità
Reprejentanza di sculeies ladins a Roma
USP – I presidënc dla cunsultes provinzieles di sculeies se à ancuntà a Roma per n barat cun cun coleghes d’autra regions. Lena Mulser de Urtijëi à reprejentà i sculeies ladins.
For inò se anconta i presidënc dla cunsultes provinzieles di sculeies cun i presidënc dl’autra regions per se baraté n cont svilups, prupostes, cie che n se damanda dal minister de cumpetënza a Roma, ma nce per mparé a cunëscer la realtà de d’autri sculeies. Da permò ie i presidënc dla cunsultes di sculeies ladins y taliani dla Provinzia de Bulsan, Lena Mulser y Francesco Ferretti stai a Roma per chësta ancunteda.
A Roma à i reprejentanc di sculeies cris ora na luegia particulera per la proscima ancunteda. Per dé esprescion ala solidarietà cun sculeies tuchei dal tremot, l auril passà, se ancunterai l proscimo iede a L’Aquila.
as
