Atualità
News de merz dl Ufize stampa provinziel ie online
USP – Aprufondimënc dla ntraunides plu mpurtantes dla Jonta provinziela y dl’Aministrazion provinziela ntan i ultimi doi mënsc ie onlne sun la plata internet dl Ufize stampa provinziel (www.provinzia.bz.it/uspl). Publicà iel nce na panoramica sun la dates mpurtantes tl mëns de merz.
Tla pert ladina vëniel prejentà i doi cuncorsc dl Museum Ladin Ciastel de Tor. Leprò iel nce nuviteies n cont dla prioriteies per cuntribuc al mantenimënt dla cultura ladina, resultac di ladins ti ejams de bilinguism y la materies de matura tla scoles autes ladines.
Na udleda al viac dl Presidënt Durnwalder tl’Africa cun l se dé da fé dla Provinzia per na culaburazion de svilup ti dà l titul ala publicazion “März-News”. Te chësta pert tudëscia y taliana vëniel nce dat lerch al program provinziel dla frabiches, la lëtres ai genitores, sustëni per la firmes, la recunescënza europea de cualificazion di mestieres, defendura di monumënc y n proiet per na pausa plu sana te scola. Da liejer do iel nce la dates de majera mpurtanza tl mëns de merz, sciche la premiazion di proiec soziei "Cultura Socialis" mo l cuncors de mujiga "Upload 2010".
La zaita provinziela ie da liejer do dlongia i comunicac dl di, video y audio, sun la plates internet dl Ufize stampa provinziel (www.provinzia.bz.it/uspl). La publicazion possa nce unì desćiarieda tl format PDF.
as
