Atualità
Cuncors provinziel de educazion politica chëst ann online
USP – Per l prim iede iel chëst ann unì fat l cuncors provinziel de educazion politica tres internet. Danter i 200 sculeies dla scoles mesanes, scoles autes y scoles prufesciuneles se à i ladins dantaprima fat valëi tla scola mesana. L cuncors ie unì metù a jì dala Ntendënza, l Istitut pedagogich y la Repartizion per la furmazion prufesciunela.
Fin dla nuvità da chëst ann ie stat chël de ciafië zënza furné ncantëur. Ai 10 de merz se à i candidac muserà danter ëi scumencian da mesa la cater domesdì. N ëura do savoven bele chiche à venciù. N mierculdi ai 17 de merz puderà ëi jì inant y fé pea l cuncors a livel de Tirol a Dispruch. Te chësta ucajion unirà nce premiei i sculeies che à venciù l cuncors tla provinzia de Bulsan.
La scoles ladines se l à fata valëi dantaprima tla categuria dla mesana cun Luca Vanzi che à venciù dan si cumpania de scola Verena Moling, tramedoi dla scola mesana de S.Martin de Tor.
La defrënta tlassifiches ie nce da udëi sun la plataforma internet www.copernicus.bz.it.
as
