Atualità
Teßmann presënta „Freiheitskämpfer auf der Couch"
USP - La Biblioteca provinziala inviëia deboriada cun la ćiasa edituria Studienverlag ala presentaziun dl liber „Freiheitskämpfer auf der Couch“. L’autur Hans Karl Peterlini presentëia süa opera ai 25 de merz dl 2010 dales 20.00 tla Biblioteca provinziala. Hans Heiss dijarà n valgönes parores danfora y menarà la discusciun cun Hans Karl Peterlini y Leopold Steurer.
Hans Karl Peterlini à scrit tröc libri y essays sön la storia y la storia contemporana de Südtirol y Tirol. Cun süa opera „Freiheitskämpfer auf der Couch. Psychoanalyse der Tiroler Verteidigungskultur von 1809 bis zum Südtirol-Konflikt“ – ara se trata de na reelaboraziun de süa dissertaziun por n publich plü ampl – presentëiel na inrescida complicada sura la cultura de defenjiun de Tirol.
Al ti la vega da ti dè na odlada nöia, a chëra che an ne n’é nia ausà, al mit de Andreas Hofer y a sües conseguënzes tardies ćina tl tëmp da śëgn de Tirol y Südtirol. Peterlini va a funz dles rajuns psichiches plü sotes che stà iadô le agì politich, al analisëia i rapresentanć y i seduturs politics, i nemisc y i conzeć dl nemich tla storia de Tirol y Südtirol.
Tl cheder dla presentaziun dl liber fej Hans Karl Peterlini y Leopold Steurer na discusciun sön l’argomënt. La discusciun vëgn menada da Hans Heiss.
Presentaziun dl liber de Hans Karl Peterlini: Freiheitskämpfer auf der Couch
Biblioteca provinziala Dr. Friedrich Teßmann, str. Armando-Diaz 8, Balsan
ai 25 de merz dl 2010, dales 20.00
usp
