Atualità
Veles de chemun: de jù sënies de lista ai 2 y 3 de auril
USP - N vënderdi y sada, 2 y 3 de auril, possa duc i partic y la grupes che uel se mëter a desposizion per la veles de chemun, de jù si sënies de lista. A pië do i sënies ie la Presidënzia dla Jonta provinziela. L dé ju di sënies, nce sce l ne ie nia de ublianza, cumporta nce scunanza per l sëni.
I sënies dla lista possa unì dai ju n vënderdi 2 de auril dala 8 da duman nchin la 5 domesdì y n sada 3 de auril, dala 8 da duman nchin la 4 domesdì tl Ufize provinziel per cuestions de cabinet, tl terzo partimënt dl palaz Widmann a Bulsan, streda Crispi 3. I sënies de lista possa de jù partic o grupes politiches. Nia azetedes ne vën grupes metudes su al mumënt che ie me atives te n sëul chemun, nce sce les à n sëni deberieda cun d’autra grupes.
I sënies de lista muessa unì dai ju dal presidënt o secreter dl partit o dla grupa politica. Tl cajo de n partit a livel naziunel, iel debujen de na ncëria dl secreter o presidënt generel. Per grupes a livel provinziel ie debujen de na documentazion che testemunieiela l presidënt o secreter generel.
Sëuraprò a chisc documënc muessa unì tëut pea l sëni de lista sun trëi copies de na plata DIN A4 a culëures. Leprò iel nce da de jù l sëni te format digitel. L ne vën nia azetà i medemi sënies che à bele d’autra grupes o che ti semea dassënn. Nce sënies cun reprejentazions religëuses nce possa nia unì azetei.
Te chëla che l vën dat ju n sëni de lista, ie l sëni nce defendù a livel juridich. I sënies dai ju unirà publichei sun placac, l orden unirà trat a sort.
L Ufize per cuestions de cabinet lecorda che i dis da de jù i sënies de lista toma sun Vënderdi Sant y Sada Santa. I documënc che ie debujën, muessa perchël unì anjeniei per tëmp. Nfurmazions plu avisa giaten nce cherdan su l 0471 412 130 (e-mail: kabinett@provinz.bz.it).
as
