Atualità
Publicazion "ëres" cun n guant y sgors nuef
USP – L’ëila sun la cherta de trionf y l argumënt zentrel dedicà al ëila te posizions politiches: nsci se prejënta "ëres-frauen-info-donne", te si prima edizion da chëst ann. Te n format y cialé ora nuef ie la publicazion dla Cumiscion provinziela per la valivanza dla chances da giapé debant.
“No me la publicazion "ëres" à giapà n cialé ora nuef ma nce i cunsëies di chemuns dëssa giapé aria frëscia” sota chësc moto vëniel dat ora l’edizion nueva de "ëres". “La majera nuvità ie n ghest nuef che nes acumpanierà ti tëmps che vën. L se trata de Rosa della Quota, na jëuna scialdi nteresseda a cie che suzed ntëur ëila via” scrij Ingrid Runggaldier, reprejentanta ladina.
Tl articul prinzipel dla publicazion vëniel sorissà che mo mei ne fovel tan truepa ëiles cun na bona furmazion y chësta ie na ucajion da nuzé. Nsci à l’ëiles cun 59% la maiuranza n cont de avëi arjont l titul de laurea ti paejes dl’Europa. L cuntribut scrit tla rujeneda ladina trata dl’ëiles tla politica. Ingrid Runggaldier fej referimënt al’ëiles che cumbat per si dërc jan sun plaza canche la va de defënder si lëur, l dërt d’abort, l ambient. Puech nteressedes – nsci Runggaldier – semea l’ëiles de si reprejentanza politica.
Tl’edizion nueva ne mancia nia la rubriches tlassiches, na valutazion de nserac de retlam y de plu nfurmazions sun argumënc de carater nternaziunel y local. “ëres” possen nce se lascé mandé per posta dal Ufize provinziel per l’ëiles, telefonn 0471411180; e-mail: frauenbüro@provinz.bz.it; Internet: www.provinz.bz.it/arbeit/frauenbuero
as
