Atualità
Sezion autonoma per arbitradëures dl juech al palé
USP – L’autonomia dla sezion dl Südtirol di arbitradëures de juech al palé unirà inò recunesciuda. Chësc ie unì segurà dal’assoziazion AIA al presidënt Luis Durnwalder do che l regulamënt nuef udova me plu dant na sezion regiunela. De chësta dezijion se ova l Presidënt dla Provinzia parà ajache la jiva contra l’autonomia dl sport.
Aldò l’autonomia dl sport ie la sezions y i cumiteies provinziei dla Provinzies de Bulsan y Trënt a medemo livel sciche chëles regiuneles tl’autra pert dla Talia. L’Assoziazion di arbitradëures de juech al palé AIA ova te si regulamënt nuef me plu udù dant na sëula sezion regiunela per l Südtirol y l Trentino. “A chësta maniera ne fossa nia me unì tëut demez la sënta provinziela, ma nce l’autonomia de mpartì i arbitradëures per i juesc dla defrënta categuries” spiega l Presidënt dla Provinzia.
Per chësta rejon se à Drunwalder parà. Tla resposta dl presidënt dl AIA vëniel segurà che l regulamënt ie unì adatà ala normes de autonomia dl sport per l Südtirol y nscì vëniel inò recunesciù la sezions autonomes a Bulsan y Trënt.
as
