Atualità

Museums | 31.03.2010 | 14:50

Museum ladin: mostra sun l’alpinism me plu nchin Pasca

USP – La mostra speziela “Sëura la montes de viers dla libertà” tl Museum Ladin Ciastel de Tor ie me plu da udëi nchin dumënia de Pasca, ai 4 de auril.

La mostra “Sëura la montes de viers dla libertà” mëina l vijitadëur dala scuvierta dla Dolomites, ai piunieres ladins dl alpinism, arpizedes sun la majera pizes nchin a aspec de libertà sciche la batalies dla prima gran viera o la cumpetizion tla montes. Duta la mostra ie dedicheda a Karl Unterkircher, che à perdù la vita de lugio 2008 ntan l arpizeda dl parëi Rakhiot sun l Nanga Parbat a 8.125 metri.

Museum Ladin a S. Martin ie daviert dal merdi ala sada, dala 10.00 – 18.00 y la dumënia dala 14.00 – 18.00. Lunesc ie di de paussa. Nfurmazions ie nce da giapé sot a www.museumladin.it tl internet.

as

Galaria dales fotografies