Atualità
Posta, RAI y perjon: Durnwalder duman a Roma
USP – Ancuntedes per rujené dla puscibltà che la Provinzia sëurantole la Posta, n finanziamënt dla RAI de Bulsan y frabiché na perjon nueva a Bulsan: dut chësc ie sun l program dl viac dl Presidënt dla Provinzia Luis Durnwalder de duman 8 auril a Roma.
La basa per l’ancuntedes a Roma pieta l’acurdanza de Milan sun l finanziamënt dl’Aministrazion autonoma dl Südtirol. Chësta acurdanza cun l Guviern de Roma vëija dant la puscibltà de sëurantò cumpetënzes nueves da pert dla Provinzia. N rejona tlo dantaprima de spartì ora la posta y dl finanziamënt dla televijion y radio publica RAI a Bulsan. Sëuraprò vëija l’acurdanza nce dant che la Provinzia ti tole ju al Stat l pëis de vel nfrastrutura statela sciche la perjon che n ulëssa fé a Bulsan Sud.
De duta chësta trëi pusciblteies rujenerà l presidënt Durnwalder duman a Roma cun funziuneres de livel aut. L program vëija n iede dant n’ancunteda cun Gianfranco Comanducci, vizediretëur generel dla RAI. Dopro iel udù dant de rujené cun Franco Ionta l diretëur de repartizion per la perjons tla Talia. La terza ancunteda de Durnwalder a Roma ie prugrameda cun Massimo Sarmi, diretëur dla sozietà taliana dla posta.
as
