Atualità
Cunzerc dla Scoles de Mujiga scumëncia cun la Val Badia
USP – N mierculdi ai 14 de auril mët man i cunzerc per la fin dl ann dla scoles de mujiga dl Istitut per educazion musichela. L program de 150 manifestazions te duta la Provinzia scumëncia cun n cunzert dla Scola de Mujiga dla Val Badia.
Cunzerc de archëc, tlavier, reprejentazions de musical o sëires de mujiga populera: la scoles de mujiga dla Provinzia de Bulsan stluj ju si ann de nseniamënt cun n program drët rich y cun na gran vela. Dal 14 de auril nchin ai 11 de juni, ntan de ndut 150 manifestazions, purterà i sculeies de mujiga dant chël che i à mparà.
N cunzet al tlavier tla Cësa J.B. Runcher a Badia saral l prim de ndut 11 manifestazions tla Val Badia. La scola de Mujiga de Gherdëina scumëncia ai 21 de mei si manifestazions cun n cunzert tl raion da jì a pe a Urtijëi.
Cunzerc tla valedes ladines
14.04.2010 – 18.00 Cësa Runcher Badia, cunzert de tlavier
16.04.2010 – 18.00 Istitut ladin a S. Martin, cunzet de chitara
19.04.2010 – 18.00 Salf manifestaziuns Al Plan, cunzert de oboe
03.05.2010 – 18.00 Salf manifestaziuns Al Plan, cunzert de tlarinet
10.05.2010 – 17.00 Salf manifestaziuns Al Plan, cunzert finel de tlarinet
13.05.2010 – 18.00 Salf manifestaziuns Al Plan, cunzert de chitara
20.05.2010 – 18.00 Salf manifestaziuns Al Plan, cunzert flaut traviers
21.05.2010 – 15.00 raion da jì a pe a Urtijëi, cunzert sun streda
27.05.2010 – 17.00 Salf manifestaziuns Al Plan, cunzert finel flaut traviers
31.05.2010 – 18.00 Scola mesana La Ila, cunzert flaut traviers
04.06.2010 – 18.00 Cësa de cultura S.Piere, prim cunzert finel
05.06.2010 – 18.00 Zënter Iman S.Crestina, segondo cunzert finel
07.06.2010 – 18.00 Salf manifestaziuns Al Plan, cunzert cun duc i strumënc
09.06.2010 – 18.00 Dlieja de S.Lenert, cunzert de dlieja
Juntà leprò: Lista de duc i cunzerc tla Provinzia de Bulsa
as
