Atualità
Durnwalder duman a Roma per l bilinguism
USP - Sun l decret legislatif per l bilinguism aspitoven bele giut, duman vënderdi 23 de auril iel sun l orden dl di Cunsëi di Ministri a Roma. Per chësta rejon jirà l presidënt dla Provinzia Luis Durnwalder duman ala senteda tl Palaz Chigi.
Sëuraprò al ejam de bilinguism uniral tl daunì nce recunesciù d’autri atestac de cunescënza dla rujenedes provinzieles sciche l atestat provinziel. La regulamentazion nueva unirà trateda dal Cunsëi di Ministri sciche norma de atrazion al Statut de autonomia tla forma de decret legislatif, che à bele l bënsté dala Cumiscion di Sies.
Tres n telegram ie unì fat al savëi al presidënt dla Provinzia dl pont al orden dl di dl Cunsëi di Ministri, ajache ël vën daniëura nvià canche la se trata de normes de atuazion y vën pona nce scutà su dai ministri. Chësc ie prugramà, duman vënderdi 23 auril dala 9.00 da duman.
as
