Atualità
Lëures sun la streda dl Ciaulonch
USP – Duman 12 de mei vëniel sun la streda de Ciaulonch scumencià lëures per mëter ju asfalt da nuef. I lëures ie udui dant nchin ai 18 de mei. Ntan che l vën laurà, puderà l muvimënt de streda passé sun mesa larghëza de streda.
L Servisc provinziel per la stredes laurerà da dai 12 nchin ai 18 de mei sun la streda de Ciaulonch per mëter ju asfalt da nuef. Dal chilometer 37 uniral curì da nuef la streda sun na lunghëza de 850 metri.
L muvimënt di auti puderà ntan i lëures passé sun mesa larghëza de streda, se baratan ju n iede per direzion. Laurà uniral dala 8 da duman nchin la 17.30 y da mesdì saral na paussa danter la 12 y la 13. De sada y dumënia ne saral deguna dificulteies de viabilità davia che ntan l fin dl’ena ne vëniel nia laurà.
as
