Atualità
Mussner a Roma per la senteda CIPE
USP – L assessëur Florian Mussner ie ncuei, 13 mei stat a Roma per la senteda dl cunsëi interministeriel per la planificazion economica (CIPE). N pont de mpurtanza al orden dl di fova l finanziamënt per la linies dla ferata che porta nchin pra l tunel dl Prëner. La dezijion ie unida spënta.
Sota la direzion dl minister per la finanzes y economia Giulio Tremonti iel ncuei danmesdì unì tenì la senteda dl cunsëi interministeriel per la planificazion economica (CIPE) tl palaz Chigi a Roma. Per la Provinzia de Bulsan à tëut pert l assessëur Florian Mussner n reprejentanza dl presidënt dla provinzia. Per ncuei fovel danterauter udù dant de traté l finanziamënt per la linies dla ferata che porta nchin pra l tunel dl Prëner. “Ne son nia ruvei a na dezijion ajache la tratatives cun Brüssel y chëles per slungë la cunzescion dla sozietà dl’autostreda dl Prëner va mo inant” spiega l assessëur Mussner. De ndut iel debujën de feter cater miliardes de euro per chësta linies dla ferata. “La Provinzia de Bulsan ti stajerà do al finanziamënt dla linies che porta al tunel, y jirà inant cun la tratatives” dij Mussner.as
