Atualità
Prova de prim aiut ti tuniei dla val Badia
USP – N vënderdi 21 de mei uniral sun la streda dla val Badia, danter Mantëna y Longega tenì na prova di destudafuech. La streda unirà per chësta rejon sareda duta la sëira.
Sce l ëssa da suzeder vel desgrazia sun la streda dla val Badia o ti tuniei, muessa la scuadres de prim aiut savëi co se astilé. N vënderdi ai 21 de mei purverà la grupes di destudafuech n tel ntervënt danter Mantëna y Longega, al chilometer 3,4 nchin 9,2. La streda unirà danter la 19.30 nchin ala 24.00 sareda defin. L muvimënt de streda puderà astilé ora la prova passan per l Ju de Furcia.as
