Atualità
Cunvëni sun l rumé la stredes d’inviern ai 26 de mei
USP – Mantenì la stredes nëtes ntan l inviern ie un di majeri lëures per l Servisc per la stredes dla Provinzia y di chemuns. Sun chësc argumënt vëniel n mierculdi ai 26 de mei tenì n cunvëni fajan referimënt ala situazion atuela y tl daunì. Nteressei possa se lascé nuté sun nchin ai 21 de mei tla Repartizion provinziela Servisc dla stredes.
Truepa nëif y frëit d’inviern, ciarestia de sel, sparanië, prescion da chëi che furnea sun streda y dai ambientalisć ne rënd l servisc per l stredes per nia saurì. Per chësta rejon nvieia l assessëur per i lëures publics Florian Mussner a n cunvëni sun l rumé la stredes d’inviern. Fin primer dla scumenciadiva ie l barat de speriënza y la soluzion o prupostes de miuramënt per l rumé la stredes d’inviern. I trëi gran argumënc sarà l servisc tla situazion atuela, tecnologies per miuré l tré sel y alternatives.
L cunvëni ai 26 de mei unirà giaurì dala 9 danmesdì dal assessëur Mussner y ie udù dant nchin la 17.30. La cunferënzes unirà tenides tla sënta dl magasin dl Servisc ala stredes dl raion Salten-Scilier, raion ndustriel Bulsan Sud, tla streda Flughafen-Francesco-Baracca 3/A.
Nteressei possa mo se lascé nuté su nchin ai 21 de mei tres e.mail a helga.pedri@provinz.bz.it o helga.rabensteiner@provinz.bz.it.
as
