Atualità
Tunel a Urtijëi sarà de nuet nchin dumënia
USP – L tunel a Urtijëi vën chisc dis ressanà. De nuet vëniel fat lëures per chëi che l ie debujën de saré defin l tunel. Chisc lëures de nuet ie mo udui dant nchin dumënia, ai 23 de mei. L muvimënt de streda possa astilé ora furnan tres l luech.
L tunel sun l stradon de Gherdëina (SS242) a Urtijëi vën fat dedite ora da nuef y giapa na luminazion nueva. Ntan l di possen furné sun mesa larghëza de streda, de nuet muessa l tunel unì sarà de fin. Chisc lëures de nuet jirà mo inant nchin a n dumënia 23 de mei. L muvimënt de streda unirà ntan chësta nuetes avisà ora sun na desviazion.
Da n lunesc ai 24 de mei nchin ai ala fin de juni iel udù dant de purté inant i lëures lascian passé l muvimënt de streda aldò de n semafer. Ntan i lëures ne possen nia passé a pe.
as
