Atualità
Tunel de Ciastel Badia vën batù tres ai 26 de mei
USP – L tunel de 350 metri sota l Ciastel Badia per la zircunvalazion nueva ie feter finà. L presidënt dla Provinzia Luis Durnwalder y l assessëur ai lëures publics Florian Mussner dajerà n mierculdi ai 26 de mei l sëni per bater tres l tunel.
La zircunvalazion dl Ciastel Badia mesura de ndut 610 metri y ie metuda adum da trëi pertes: l tunel de 385 metri sota l Ciastel ora, n toch de streda davierta de 130 metri y n mënder tunel de 95 metri che passa sota l Amtmannbühl.
Per giavé l tunel sota l Ciastel cun puecia vibrazions y a chësta maniera zënza pericul per la strutura storica, iel unì fat truepa mesurazions y cuntroi. L ie unì purvà de plu manieres de giavé tunel. Sun l toch diretamënter sota l Ciastel iesen pona ruvei inant cun gran cautela adurvan na fres. Śën ie l tunel feter tres y l presidënt Durnwalder y l assessëur Mussner cumanderà n mierculdi ai 26 de bater tres l’ultimo parëi.
I culaburadëures di media ie nviei
n mierculdi ai 26 de mei dala 15.00
pra l tunel Ciastel Badia, daujin al stradon a San Laurënz, per cunedì di lëures.
as
