Atualità
Workshop de fotografia ai 5 de juni tl Museum Ladin
USP - Tl cheder dla mostra „la fotografia por comunichè...“ tl Museum Ladin Ciastel de Tor, vëniel n sada ai 5 de juni metù a jì n domesdì de nfurmazion sun la fotografia.
Cumëmbri dl Fotoclub Val Badia sarà a desposizion dala 2 ala 5 domesdì per cunsëies y nfurmazion ntëur al mond dla fotografia. La mostra „la fotografia por comunichè...“ per i 15 ani dl Fotoclub val Badia resta mo davierta nchin ai 11 de lugio, dal merdi ala sada dala 10 ala 18 y la dumënia dala 14 ala 18.
Tl cheder dla mostra saral sëuraprò mo da udëi doi cunferënzes a multivijion. Paul Erlacher de Al Plan de Mareo prejenterà ai 10 de juni la cumposizion de natura y si cater elemënc, Helmut Elzenbaumer da La Val prejenterà ai prim de lugio na lingia de chedri che ël vëija sciche vijions dla natura.
as
