USP – L stradon de Gherdëina à messù unì sarà a Puntives ajache la gran plueies de mei ova fat muever de gran purons. Do prim lëures de prëscia possen sën inò furné de viers de Pruca aldò de n semafer. L Assessorat provinziel per lëures publics à scrit ora de prëscia i lëures per fé da nuef l mur de 90 metri.
Purons manacia de tumé sun la streda dedora da Puntives: i lëures ie bele unì scric ora; foto USP/Stuffer.Riesc do Puntives, de viers de Pruca, fovel for da avëi festide che unissa ju sasc dal rone sëura streda. La truepa plueies dl’ultima enes à fat muever vel purons y nsci ne fova nia plu garantida la segurëza sun streda. Te n ntervënt de prëscia iel unì trat ju l material melsegur y tlo iel nce unit ora purons de 15 nchin 20 cubich. „Per garantì la segurëza sun chësc toch de streda iel debujën de fé da nuef l mur de sustëni sun na lunghëza de 90 metri“ spiega l assessëur Florian Mussner. L Assessorat provinziel per lëures publics à scrit ora de prëscia i lëures per n custimënt udù danora de 230.000 euro. Aldò dl geologh Claudio Carrara, respunsabl de chisc lëures, fejen cont de pudëi te n trëi enes scumencé a fé sun l mur da nuef. Per i lëures nstësc iel udù danora nchin a 40 dis.
as
Galaria dales fotografies
Purons manacia de tumé sun la streda dedora da Puntives: i lëures ie bele unì scric ora; foto USP/Stuffer.
