Atualità
Orars da instà nce tla rujeneda ladina
USP – Cun la fin dl ann de scola, ai 13 de juni, vel i orars nueves da instà per l trasport publich che reverda dantaprima la curieres. Duta la nuviteies ie bele publichedes sun internet. Per l prim iede, nsci l assessëur Widmann, ie i orars nce unì fai tla rujeneda ladina.
„Sun dumanda di zitadins iel unì fat i orars tla rujeneda ladina per Gherdëina y per la val Badia, che ulëssa di cun i inuemes ladins di luesc“ sorissea l assessëur ala mubilità Widmann. Per l prim iede à l Departimënt provinziel per la mubilità lascià stampé cudejiei dai orars per la valedes ladines. „A chësta maniera ti unions ancontra a na vedla dumanda di zitadins“ dij Widmann, che vëiji nce n cuntribut ala rujeneda ladina te chësc pruvedimënt. Sibe ti cudejiei che ie da giapé te Gherdëina y tla val Badia, ma nce tl internet, ie duc i orars che reverda la valedes ladines, per gherdëina o badiot.
Mo na majera vela tl trasport publich ie unida anjenieda per i zitadins. De plu curieres viagerà tl raion dla Dolomites.
A Nals, Andrian y Terlan/Vilpian iel unì metù a jì n Citybus. Danter Bulsan, Kampill y Karneid iel culegamënc de curieres nueves. Dal 14 de juni puderan inò furné cun la ferata EuroStar da Bulsan diretamënter nchin a Roma.
I orars dl trasport publich per l instà, che reverda duta la provinzia de Bulsan ie publichei sota www.sii.bz.it tl internet.
as
